සොඳුරියේ නැතත් මට නුඹට මෙන් කවි හිතක්
ලියන්නට අපේ පෙම අරුත්බර පබැදුමක්..
සොඳුරියේ නැතත් මට ඔබට මෙන් පෙම් හිතක්..
වරුවක්ම හිතන්නට අපේ පෙම ගැන යමක්..
නුඹේ පෙම සුන්දරයි..විටක එය ගීතයක්..
නුඹේ පෙම නිර්මලයි..විටක එය සැනසුමක්..
දමා නුඹ ගියත් මම ..ජීවිතේ බොහො දුරක්..
නුඹ මගේ හිත පුරා දඟකරන හීනයක්..
නාදුනන නගරයක පාලුවට ගිය සිතක්..
සන්හුන්ව නුඹ නමින් සැනහෙනා වාරයක්..
නොවුවත් ඉතින් මට.. නුඹේ පෙම සිහිනයක්..
එනතුරා මව්බිමට.. නුඹ සිහින දෙව්දුවක්....