Pages

Friday, October 28, 2011

සොඳුරියේ නුඹ..





සොඳුරියේ නැතත් මට නුඹට මෙන් කවි හිතක්
ලියන්නට අපේ පෙම අරුත්බර පබැදුමක්..
සොඳුරියේ නැතත් මට ඔබට මෙන් පෙම් හිතක්..
වරුවක්ම හිතන්නට අපේ පෙම ගැන යමක්..

නුඹේ පෙම සුන්දරයි..විටක එය ගීතයක්..
නුඹේ පෙම නිර්මලයි..විටක එය සැනසුමක්..

දමා නුඹ ගියත් මම ..ජීවිතේ බොහො දුරක්..
නුඹ මගේ හිත පුරා දඟකරන හීනයක්..
නාදුනන නගරයක පාලුවට ගිය සිතක්..
සන්හුන්ව නුඹ නමින් සැනහෙනා වාරයක්..

නොවුවත් ඉතින් මට.. නුඹේ පෙම සිහිනයක්..
එනතුරා මව්බිමට.. නුඹ සිහින දෙව්දුවක්....

Sunday, October 23, 2011

දිනමි ස්නේහේ සියලු සීමා..



ඔබේ නෙත් යුග මැද කිමිදිලා
සොයමි ස්නෙහේ සිහින සේයා ..

ඔබේ කොපුලට හාදු තවරා
විදිමි ස්නෙහේ නුරා චායා..

ඔබේ දෑතේ දෑත් පටලා
දකිමි ස්නේහේ මිහිරි මායා..

ඔබේ ඇසුරින් දිරිය ලැබිලා
දිනමි ස්නේහේ සියලු සීමා..

Sunday, October 16, 2011

සැබෑ වු ආදරේ..



මම දවසක් මෙ විදියට
කොහේ හරි ලියපු ආදරේ ගැන
හමුවෙලා  අහම්බෙන් නුඹ
සැබෑවක් කල අපූරුව..

පැතුම් සහසක්  පැතුම් මැද
අතරමන් වෙන තරමට
අනේ නුඹ හමුවුදා  සිටම
හිත නොඉවසිල්ලෙන් මේම..

තව දිනක් ගතවෙන හැටි
වරුවක්ම  හිතමින් නුඹ ගැන
කොහිද වෙන සැනසුමක් ඉතින් මට
යලි දකින්තුරු නුඹ
 මගේ මේ ඇස් දෙක ලඟට..

Saturday, October 15, 2011

අපේ සෙනෙහස..




මම;
හදවතේ පිටුවක
ලියමි හැඩකර
එකම එක කවියක්
නුඹ නමින්..
නුඹ;
දිනක එය කියවාවි
සරල බව වැටහේවි
නුඹේ ඔය සෙනහසින්
ස්වර තාල ගලපාවි..
අපි;
ලස්සනම ගීතයක්
ස්වර තාල ගලපමින්
ලඟදීම දිනයක
සෙනෙහසින් මුමුනාවි..

Tuesday, October 11, 2011

මුලු ලොවම වී ඔබ..


නුඹ දුරයි මට බොහො දුරයි..
නමුදු හිත ලග තනි මකයි..
හිත හඩයි හිත නුඹ සොයයි..
නුඹ දකින තුරු මග බලයි..

ඔබ හැඩයි මට හරි හැඩයි..
සිතට එනවිට හරි හැඩයි..
සිහිනෙනුත් මම නුඹ ලගයි..
සොයා එන්නට මට සිතෙයි..

තරු අතේ පනිවිඩ එවයි..
සද එලිය වී ඉගිබිගි කරයි..
මද පවන වී මට හාදු දෙයි..
මුලු ලොවම වී මගෙ ලග හිදියි..

Monday, October 10, 2011

සත්තයි ඔබ මගේමයි..



ආදරේ පින්නටවත් නොතෙමුනු හදවත
ධාරානිපාත වැස්සක් වෙලා
වැටෙනකොට ඔබේ සෙනෙහස
ආත්ම හතකට ඔබේ ආදරේ අස්වද්දන්න
මට හිතුනා..
 
ආදරේ කදුලක්වත් නැතුව වියලුනු හදවතට
සෙනෙහසේ දියවර වෙලා
ඔබ ගලනකොට
ආත්ම සීයකට ඔබේ වෙන්න
හීනයක් මැවුනා..
 
පාවෙන ජීවිතයක් හරි පරිස්සමට අරන්
ඔය හිතේ නතර කර ගන්නකොට
සදහටම ඔය උනුහුමට ලංවෙන්න  
ලෝභකම් හිතුනා.. 

ජීවිතේ පලවෙනි වතාවට
මේ තරම් ආත්මාර්ථකාමි වෙලා
ඔය සෙනෙහස මගේම කරගන්න
සත්තයි
මට  නම් හිතුනා..

Friday, October 7, 2011

අනේ මන්දා..මේ ඔයාගෙ ආදරේලු...


මම හිතුවක්කාරලු 
මට බනින්නෙ ඒකලු
බැන්නට දුක හිතන්න එපාලු
බනින්නෙ ආදරේටලු

ඕනෙ මාව සතුටින් තියන්නලු
ඒත් නිතරම දෙන්නෙ දුකක්ලු
වැඩිය ඒවා හිතන්නෙපාලු 
හිතුවට මට තේරෙන්නෙත් නෑලු

අනේ මන්දා ..,

මේ ඔයාගෙ ආදරේලු :( :(