Pages

Saturday, December 31, 2011

සැමට සුභ නව වසරක් වේවා !!!


හෙට අලුත් දවසක්..
නැවුම් වසරක නැවුම් හිමිදිරියක්
මලින් විකසිත තුරුලතා මත
සියොත් ගී වැයෙනා
 නැවුම් අරුණැල්ලක්....
පැතුම් සහසක් පැතුම් ඉටුවී
සිනා මල් පිපෙනා..
සොඳුරු නව වසරක්..
සියලු ලෝ සත තුටින් හිනහෙන
සියලු පැතුමන් යෙහෙන් ඉටුවන
සුබම සුබ වසරක්..
දුක් සුසුම් ඉගිලී
සිතේ සැනසුම්
යලි ලබන්නට
ඉතින් එහෙනම්
මෙන්න මගෙනුත්
නිහඩ සුබ පැතුමක්..
සියලු ලෝ සත තුටින් හිනහෙන
සුබම සුබ වසරක්..

Thursday, December 29, 2011

තාම තියෙන්නෙ ඒ දුප්පත් හිත විතරමයි




කී පාරක් කියන්නද
මල් ලියකම් හැඩදාලා..
රතු තින්තෙන් පාට ගාපු
ඊට යටින්
“I Love You” කියල
ඉන්ගිරිසියෙන් ලියගත්තු
ඔයා දැකපු පින්තූරෙක තිබුන
මොඩර්න් හාර්ට් එකක්
මට නෑ කියල..
තාම තියෙන්නෙ..
චුට්ටක් ඇත්නම් ගැස්සෙන..
හරිම බරට හුස්ම වැටෙන..
රුහිරයේ පැහැයෙන්
ආදරේ පාට වැටුනු..
අලුත් තාලේ පැලැස්තර
මුකුත් නැති
ඉස්සරම දවසක
ඔයාට පරිස්සමට  දුන්නු
ඒ දුප්පත් හදවත විතරමයි..

Wednesday, December 28, 2011

එන පුර පෝයට ඇවිත් යන්න





එන පුර පෝයට
ඇවිත් යන්න ඔබ
ආසයි ඔය නෙතු
යලිත් දකින්නට..

සීතල කම්මුල්
පිසදා හෙමීට
ආසයි මට
හාදුවක් තබන්නට

සතුටු කදුලු වැල්
නෙතුමත විසිරෙයි
ඩින්ගිත්තක් ඔබ ලග
නැලවෙනකොට

ඔයි සුදු මූනෙ
හිනා කිනිත්තක්
දෙනවද  ආයෙත්
ලග හිඳ යන විට

ඒ ඇති බිඳුවක්
සිත සැනසෙන්නට
ඔබ එනතුරු යලි
අවුරුදු දවසට..


Thursday, December 22, 2011

නුඹට මගෙ හිත ගාව තව ආදරේ බෝම


දඟකාර සුලං වැල්
බඳ වටා එතෙන විට
දැනේ මට සෙනේ සූව
නොවිඳි රසයක් සේම

නොහික්මුනු ඔබෙ ඇස්
මා වටා සරන විට
නොදේ තව ඉවසුමක්
බදා සිපගමි මේම

අකීකරු මගෙ හිත
සසල වෙයි නිරන්තර
ඔබ මගේ හිත පුරා
ඇවිදිනා විට මේම

නිසන්සල හීන කැටි
සසලෙනා මොහොතකට
නොසන්සුන් පැතුම් පොදි
දරාගමි මම කෝම

විටක මා සනසවන
විටක මා සලිතවන
නුඹට මගෙ හිත ගාව
තව ආදරේ  බෝම..

Monday, December 19, 2011

මේ වහින්නේ එදා මල් වරුසාවමයි..




ඉස්සර මේ වැස්සට තෙමෙන්න මම ආසයි..
ඒ ඔයා මගේ ලඟින් තුරුල් වෙලා මගෙත් එක්ක ඇවිදන් යන සතුට වැඩිකමට.. ඒ කාලෙ එක පිට එක ධාරනිපාත වැහි සීයක් වැටුනත් මට  ඒව මල් වැහි වගේ..
මතකද .. ඒ දවස් වල මම චුට්ටක් මුරන්ඩුයි. කතා කර කර යනගමන් හෙමීට කුඩෙන් පිටට පනිනව..
"ඇයි බබා තෙමෙන්නෙ ..ලෙඩ වෙන්නද ඕනා" ඔයා මට සැර වෙනව

"චුට්ටක් තෙමුනට ලෙඩ වෙන්නැහැ පැන්චො"
මම කියන්නෙ එහෙමයි..

"ඔන්න හෙම්බිරිස්සාවක් එහෙම හදා ගත්තොත් මම නෑ..මට එපා හොටු කෙල්ලො.."
ආඩම්බරෙට ඔයා එහෙම කියද්දි මූන පුලුටු කරන් මම ආයෙත් කුඩේ යටට එනව..

මතකද ඒ කාලෙ..හරිම සුන්දරයි.. ඔයාගෙ ඔයි තරු ඇස් වලින් මම ඒ කාලෙ ඒ විදියට කියෙව්වෙ අපේ අනගතේ..

අදත් දවසෙම වැස්ස.. වෙනදට ඔයත් එක්ක ඇවිදන් යන පාර දිගේ මම තනියම ඇවිදන් යනව.. මීට අවුරුදු දෙකකට කලින් අපි දෙන්න ඇවිදන් යද්දි වැටුන මල් වරුසාවම අදත් වැටෙනවා. මේ ගහ කොල ගොඩනැගිලි කලබලයෙන් හෙවනක් සොයාගෙන දුවන මිනිස්සු සත්තු මේ හැමදේමත් එදා වගේමයි.. එකම එක අඩුවයි තියෙන්නෙ ඒ වෙනද වගේම සීරුවට ඇවිදන් යන මාත් එක්ක මගේ තනියට මගේ කුඩේ යට ඔයා නැති එක විතරමයි..

හ්ම්ම් ...

දන්නවද ..එදා වගේ,මේ වැස්සට තෙමන්න මම දැන් ආස නැහැ..එදා වැස්සට තෙමිල මූන දිගේ රූරා වැටුන වැහි බින්දු ඔයාගෙ අත්ලෙන් පිහදාල මාව තුරුල් කරගන්නකොට දැනුන සතුට අද මට පපුව පුරා එක පාර පිපුරුන අකුණක් වගේ තදට දැනෙන වේදනාවක් විතරමයි.. එදා මගෙ  දරේ කඩා වැටුන මේ ඇස් වලින්  අද මේ වැටෙන්නෙ අතීතය දියවිලා වැටෙන කදුලු විතරයි ..එදා වැහි බින්දු පිහාපු ඔයා මේ කදුලු බිදු පිහින්න අද හිටියනම් ....

අහන්න., එදා මම මේ වැස්සට ආදරේ කලේ ඔයත් එක්ක එක කුඩේ යට හැපි හැපි කියෝ කියෝ යන්න පුලුවන් නිසා.ඒත් ඔයා මන් ලඟ නැති අදත් මම මේ වැස්සට ආදරේ කරන්නෙ ඔයා නැතුව වේදනා දෙන මේ ඇස් වලට වැටෙන කදුලු වැහි පොද දිගේ නිදහසේ පාවෙලා යන හින්ද වෙන්න ඇති..

"මේ වහින්නේ එදා මල් වරුසාවමයි..මහලු නොවනා පෙම්වතුන්ගේ සොඳුරු මල් වරුසාවමයි.."



Sunday, December 18, 2011

ආදරණීය හිත


උඳුවප්
මැදියමේ
කිලිපොලා යන
සීතලට
ගැස්සෙන
ඔය හිත 
තනිවරන්නට
නිදි නැති රැයක
එන්නම්
පුන්චි කුටියේ
කව්ළුව ල
මලානික සඳ එලිය
වැටෙන කවුලුව
පාමුල
රැදෙන්න ඔබ
නෙතු පියාගෙන
පපුතුරේ හොවාගෙන
තබන්නම්  එවිට
උනුසුම්ම හාදුවක්
හරිම සීරුවට
ආදරණීයව
ඔබේ නලලත
මතට..

Monday, December 12, 2011

හෙට අලුත් අලුයමක් !!

රෝස පාට වලාකුලක් ඉර බැසයන බටහිර අහසට වර්ණ ඉසින කොට පුන්චි කුරුල්ලො  රෑන් රෑන් උන්ගෙ කැදලි වලට ඉගිල්ලුනා..හිරු නැතුව පිපෙන්න ලැජ්ජාවෙන් මැලවෙන රෝස පාට නිදිකුමබා මල් හීන් සීරුවේ  නින්දට යන්න සැරසිලා.. 

රස්තියාදුවේ ඉගිලෙන සමනලයෙක් අරියාදුවට වගේ මැලවුනු නිදිකුමබා මලක්  ලඟ නැවතිලා සමච්චලේට  හිනාවෙලා යන්න ගියා..

ඉරත් එක්ක පිබිදුනු බොහෝ දෙනා ඉරත් එක්කම නින්දට යන්න සුදානම..ඔබත් එක්ක පීදුනු මම ඔබ නැතුව තාම කොරිඩෝවෙ පුටුවට වෙලා මග බලාගෙන.. මිනිස්සුන්ගෙ ජීවිත කොයිතරම් නම් පාලුවෙන් තනිකමින් පිරිල ඇත්ද කියල දැනෙන්නෙ මෙන්න මේ වගෙ වෙලාවට.. කොහොම උනත් මේ පාලුවට මම දැන් ගොඩාක් ආදරෙයි..

නිස්කලන්කව ඔහේ බලාගෙන හිතට එන දෙයක් හිත හිත ඉන්න මම කවදත් කැමති කෙනෙක්..මේ හුදකාලව..මේ තනිකම කොහොම මට දැනුනත් මේ හැමදේටම මම හරිම ආදරෙයි.. මේ පාලුවට විරාමයක් දෙන්න මට ඕනෙ කමක් නැහැ.. ඒත් මේ තනිකමට වාරුවක් වෙන්න එකම එක රුවක් මගේ හිත මත්තෙ මැවෙන වාර  අනන්තයි..අප්‍රමානයි..

හ්ම්.. .. ..

වෙන කවුරුත් නෙමෙයි ඒ ඔබ .. ඔව්.. ඒ ඔබ..

හැමදාකම උදේට  රැස් විහිදන් පායන හිරුට කවදාවත් අමතක උනේ නැලු  සමනල කන්ද වටේ වටයක් ගිහින් එන්න..හැමදාකම හිමිදිරියෙ මේ ඇස් පිබිදෙන්නෙත් ඒ වගේම ඔබේ රුව වටේ රැස් වළලක් වගේ දැවටෙන්න හිතාගෙන.... හිරුත් එක්ක අවදිවෙලා හිරුත් එක්ක පේ වෙලා පිපෙන මල් කැකුළක් ආඩම්බරේට පෙති සලන්නෙ හැමදාම ඇය බලන්න රන් සමණලයෙක් එන නිසා ලු.. ඒ උනත් මල් කැකුළෙ මම නම් කල පින් තවත් මදි..හැමදාම ලඟ දැවටෙන්න  මගේ පුන්චි සමණලයා එන්න නම් තවත් ප්‍රමාදයි වගේ.. ඒත් ඉතින් අඩමානෙට වුනත් බලන් උන්නෙ අදවත් මගේ දෑස් මානයේ ඒ දිලෙසෙන වටකුරු ඇස් දෙක පිපෙනකම්..

ඒත් දැන් පරිසරයම අදුරෙ ගිලිල ඉවරයි.. හ්ම්.. පැහැදිලියි..මේ තනිකම අදත් මට උරුම වග.. හැබෑවටම අදත් ඔබ මට පමා වූ හීනයක් පමනක්ම වග හරිම පැහැදිලියි ..

යාන්තමට බොදවීගෙන එන නෙතු අගිස්ස පිට අත්ලෙන් පිහදාගෙන ඔබේ පුන්චි නිදිකුම්බා මලත් අදුරට ඉඩ දීල කාමරේට යන්න ගියේ අදත් හීනයක් විතරක්ම වුනු ඔබ හෙට හිමිදිරියෙවත් මේ දෑස මානයේ පිපේවි යන සුන්දර සිතුවිල්ලත් එක්ක හෙට නැගෙන නැවුම් දවසට සී සී කඩ විසිරුනු පරණ බලාපොරොත්තු ගොන්න එක මිටකට එක්කහු කරගනිමින්..

"හෙට අලුත් අලුයමක්..වෙන කවරදාටත් වඩා..මිහිමත මල් පිපුනු දවසක්.."




ගායනය: කසුන් කල්හාර

Saturday, December 3, 2011

නුඹ නමින් ..


නුඹ නමින් පෙම් පුරා
හිඳින්නට ලන්වෙලා
මදනලේ දැවටිලා
පැමිනියෙමි දිවි තුරා
 සිනාමල් තවරලා

ඔබේ සුදු වත පුරා
සරසන්න අවසරයි
සසර සරනා තුරා..

Thursday, December 1, 2011

යලි දකින තුරු ඔබ..



හදවතේ හිස් තැනක්
ඔබ ඇවිත් පුරවද්දි
හිතුවටත් වඩා ඉඩ
ඒ හිතෙන් ඉල්ලද්දි
නොදැනීම තවත් දින
දෙක තුනක් ගත වෙද්දි..
හිතම නතු කරන් ඔබ
මට තවත් ලන්වෙද්දි..

සිනාසුන ඇස් වලින්
කඳුලු බිඳු මතු වුනා..
සැනසුමෙන් එහා ඔබ ගැනම
සිත ලත වුනා..
මගේ ඇස් මේ තරම්
ඔබ නමින් වැළපුනා..
ඔබ ගිහින් බොහෝ දුර
යලිත් මා තනි වුනා..

යලිදු ඔබ දකින තුරු
මග බලන් ඉන්නෙමි..
නැ සියන් හිතවතුන්ගෙන්
කඳුලු සගවමි..
දොර අගුලු ලා හිතට
ඔබ නමින් ඉන්නෙමි..
ඔබට දුන් පොරොන්දුව
පන මෙන්ම සුරකිමි....